Zeregin horretan ari dira udalerriko lau ikastetxeko ikasleak diren Neizan, Sara, Ever, Aner, Xabier, Ibon, Nahia del Rey, Naroa, Eider, Eneritz, Nahia Aragon, Uxue, Enara, Iara eta Nahia Gonzalez. Momentuz, informazioa jasotzeko fasean ari dira herritarrakaz eta elkarteakaz elkarlanean, eta hurrengo hilabeteetan, jasotzen dutenaren arabera, erabakiko dute ekainean egingo duten erakusketak nolako formatua izango duen.
"Erandioko Udalak sei urte daramatza lau ikastetxeetako umeakaz elkarlanean gai horren inguruan, pentsatu zelako umeen ikuspuntua ere garrantzitsua dela", azaldu du kontseiluko ekintzak kudeatzen dituen Ana Orozkok. Gaineratu duenez, Udaleko teknikariakaz eta politikariakaz egindako topaketen ostean, "umeak konturatu dira Erandiok historia aberatsa duen herria dela, eta horiek biltzeko herritarrei elkarrizketak egin nahi dizkiete erakusketa bat egiteko".
Beren testigantzak eta informazioa partekatu gura dituzten erandioztarrek 619 223 761 telefono-zenbakira deitu edo umeenkontseilua@erandio.eus helbide elektronikora idatz dezakete.