1974an sortu zuten LAB sindikatua, eta, 50 urteotan, Euskal Herri sozialista eta feminista baten bidean, milaka ekintza egin dituzte, baita Uribe Kostan ere. Urtemuga horren ildotik, "enborra sendo eta adarrak zabalduz" heldu direla azpimarratu dute sindikatuko kideek, "indartsu, umiltasunez eta kementsu, euskal langileak antolatuz eta sindikatua langileon tresna bilakatuz lan eta bizi baldintza duinen barrikadan".
50 urtez eskumaldeko hainbat urtetako langileen borroken ondorioa direla azpimarratu du LAB sindikatuak, eta hori ere ospatu behar dela: "Horregatik, urteurrena ospatzeko hainbat ekimen egin ditugu". Joan den apirilaren 19an, Mungian egin zuten lehenengo hitzordua, urtemugaren dokumentala eta solasaldiagaz; apirilaren 25ean, Ernairen gazte-solasaldia egin zuten eta, bihar, zapatuan, eskualdeko manifestazioa egingo dute, 12:00etan, Erandion.