Hautagaiek 30 urtetik beherakoak izan beharko dira, Lanbiden izena eman beharko dute enplegu-eskatzaile gisa, eta profesionaltasun-ziurtagiria, erdi-mailako edo goi-mailako lanbide-heziketako titulua edo unibertsitate-titulua izan beharko dute. Horrez gain, programan parte hartu gura dutenek Erandion egon beharko dute erroldatuta edo udalerriagaz harreman akademikoa izan beharko dute.
Izena emateko prozesua lotura honen bitartez egin beharko da maiatzaren 17tik 31ra, eta enpresek egiten duten eskaeren arabera esleituko dituzte bekak. Egitasmoari buruzko zalantza edo iradokizunik izanez gero, antolatzaileakaz harremanetan jartzeko udalgaztediplana@erandio.eus helbide elektronikoa ahalbidetu dute.