Maiatzaren 14an, martitzena, Kristina Berasain Tristanek Mendebaldeko Sahararen inguruan idatzi duen liburua aurkeztuko du. Ekitaldia 19:00etan izango da Altzagako Merkatu Zaharrean, eta beragaz batera izango dira Fatma Galia, Fatma Labyad ekintzaile sahararrak eta Gorrondatxe taldea.
Track Uno kultur elkarteak eta Sahararen aldeko Nishma elkarteak antolatutako ekimen honetan ahaztutako gatazka honen berri emango du idazle nafarrak. Berak idatzitako liburua kazetaritza kronika bat da herri horren inguruko borroka kontatzen duena, sahararren kontakizunakaz eta lekukotzakaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!