Bizkaiko Arte Grafikoen sektoreko beharginen lan-gatazka azaltzeko eta grebaren jarraipenaren nondik norakoak azaltzeko, sindikatuek elkarretaratzea egingo dute bihar Erandion, Altzagako metro-geltokiaren atarian 11:30ean. Horrez gain, 23an, manifestazioa egingo dute Bilbon, 11:30ean, Bizkaiko plazatik abiatuta.
Adierazi dutenez, bi greba-egun hauek deitu dituzte, maiatzaren 20an, Bizkaiko Arte Grafikoen sektoreko hitzarmenaren negoziazio-mahaian elkartu ondoren, patronalak hitzarmena berritzeko prozesua blokeatzen jarraitzen duelako.
Gogoratu dute apirilaren 29an eta 30ean ere greba-deialdiak izan zituztela, apirilaren 8ko negoziazio mahaian adostasunik lortu ez zutelako. "Orain, patronalak negoziazioak desblokeatzeko aukera izan du, baina bere eskaintza ia ez du aldatu", azaldu dute sindikatuetako bozeramaileek.
