Hainbat elkarte kutsaduraren aurka mobilizatuko dira ekainaren 6an, 19:00etan, Bilboko San Inazio auzoko Sarriko metro-geltokian. Horren bitartez, Eusko Jaurlaritzari exijitu gura diote Zorrotza auzoan dauden Sader eta Profesa lantegiei Ingurumen Baimen Bateratua ez berritzeko.
Besteak beste, Ekologistak Martxan, Facua Euskadi edo Bilboko hainbat auzotako elkarteek egindako deialdiagaz bat egin dute Auzokoa Herrikoi Elkarteak eta Herri Bideak Kate Barik Erandiogoikoko plataformek, azpimarratuz helburuak eta eskaerak partekatzen dituztela. Horregaz batera, herritarrei dei egin diete aipatutako elkarteek antolatu duten sinadura-bilketan ere parte hartzera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!