Lanak Gasteizko exekutiboak gidatuko ditu 1,5 milioi euroko –BEZ gabe– inbertsioagaz. Bere aldetik, Udalaren konpromisoa izan da eraikin berria hartuko duen lursaila proiekturako lagatzea, hala ere, udal-iturriek ez dute lanen iraupena zehaztu oraindik.
Eraikin berriak 480 metro koadro hartuko ditu, inguruagaz bat egingo duen oinplano angeluzuzenakaz eginda. Aldiz, barrualdeak 336 metro koadroko azalera erabilgarria izango ditu, eta bere barruan kirol-kantxa bat, kirol-materialerako biltegi bi, aldagela bi (bi egokituak eta bat irakasleentzat), bulegoa eta komunak izango ditu.
Instalazio berriak ikasleek curriculumeko edo eskolaz kanpoko jarduerak garatzeko ez ezik, auzoko bizilagunek beste ekintza batzuetarako ere egongo da erabilgarri. Hala, kasu batzuetan, euria eginez gero, gune estalia erabilgarri egongo litzateke azokak, herri-bazkariak edo bestelako ekitaldi soziokulturalak egiteko.