Ohar bidez azaldu dutenez, zaintza-lanetan ari zen Ertzaintzaren Trafiko Unitateko patruila batek ikusi zuen auto bat errepidetik zihoala, bere aurreko motorretik oso gertu. Halako batean, bi ibilgailuek bihurgune bat hartu eta desagertu egin ziren polizia-patruilaren ikuseremutik. Jarraian, agenteek zarata handia entzun zuten, eta ibilgailuek hartutako norabidera joan zirenean, talka egin zutela ikusi zuten.
Agenteek motorzalea lurrean etzanda aurkitu zuten motorretik gertu, eta metro batzuetara autoaren gidaria zegoen ibilgailuaren kanpoaldean.
Autoko gidariak motozikleta nahita jo ziola aitortu zien agenteei, eta ertzainek atxilotu egin zuten, hilketa-saiakera egotzita. Motorzalea, berriz, osasun-zentro batera eraman zuten anbulantzian.