Energia Jarduketarako Plan Orokor berriak, eraginkortasun energetikoa handitzeaz eta energia berriztagarrien erabilera sustatzeaz gain, Udala, enpresak eta herritarrak integratuko dituen tokiko Energia Komunitate baten sorrera bultzatu gura du, autokontsumo kolektiboa lortzeko. Gainera, Udalak jakinarazi du energia kudeatzeko sistema automatizatu bat garatzen ari dela IKT plataforma baten bidez, 2030erako autonomia erkidegoan ezarritako helburu energetikoak lortzea ahalbidetuko duena.
Herritarren parte-hartzea funtsezkoa da prozesu honetan. Hori dela eta, Udalak herritarren eskura jarri ditu planaren zirriborroaren emaitza nagusiak, energia-diagnostikoa eta jardueren hasierako proposamena barne.
Herritarrek hirigintza@erandio.eus helbidera bidal ditzakete iruzkinak eta iradokizunak, 2024ko abuztuaren 30era arte. Hala herritarrak aktiboki inplikatu gura dituzte ekimenean, tokiko beharretara egokitutako eredu energetiko iraunkorrago baten eraikuntzan, klima-aldaketa arintzeko eta Erandion bizi-kalitatea hobetzen laguntzeko.