Kluben arteko lehiaketan, Goiherrik zilarrezko domina bi eskuratu zituen mundialeko lehen egunean: bata gizonezkoetan, 560 kiloetan, urrea lortu zuen Gaztedi taldearen aurka eta emakumezkoetan bestea, 23 urtez azpiko lehian, 500 kiloetan.
Erandioztarrentzako urrea bigarren egunean heldu zen, 23 urtez azpikoen 560 kiloko lehiaketa mistoan. Eguna ez zen ondo hasi, finalerdia eta finala galtzen hasi baitziren, baina azkenean, Ingalaterrako taldea menderatzea lortu zuten finalean.
Zapatuan eta domekan, selekzioen txanda izan da eta, horretan ere, Euskal Selekzioko tiralariek oso emaitza onak lortu dituzte: urrea gizonezkoen 560 kiloko kategorian eta brontzeak 23 urtez azpiko neskenean, emakumezkoen 500 kiloko kategorian eta 23 urtez azpikoen mistoan.
