Track 1 Fest jaialdiaren laugarren edizioa hartzeko prestatzen ari da Erandio. Beste behin, izen bereko kultur elkarteak antolatutako hitzordua indartsu itzuliko da rock musikazaleei energiaz beteriko aste-akabua eskaintzeko. Barikuan, emanaldiak 18:00etan hasiko dira, eta, zapatan, 12:30etatik aurrera jarraituko dute, guztira, 17 talderen kontzertuak eskaintzeko.
Bi egunetan zehar, Ratzinger, Rise to Fall, The Descent, La Kontra, Sabotaje eta Hellmuga taldeen emanaldiakaz, 80ko hamarkadako Pispirutos punk taldearen eta 1997ko Bilbo Hiria lehiaketaren irabazleak izan ziren Daisy Cuttersen kontzertuakaz, izango dira beste askoren artean. Edizio hau rocka maite dutenentzako topagunea izango dela azpimarratu dute antolatzaileek, giro paregabean, merchandising guneagaz eta doako sarregaz.
