Erandioko Udalak sentsibilizazio-kanpaina bat jarri du martxan alkoholaren gehiegizko kontsumoaren arriskuez ohartarazteko. Horretarako, "nahi ez baduzu ere, alkoholarekin pasatzen zarenean, arazoak sortzen dituzu", leloa daramaten zazpi informazio-kartel jarriko dituzte udalerriko hainbat tokitan, osasunari buruzko erabaki arduratsuak sustatzeko.
Ekintza horrez gain, Udalak Adikzioen Prebentzio Zerbitzua eskaintzen die herritarrei, laguntza eta orientaziorako baliabidea, aurrez aurre zein telefonoz. Gazteei, familiei, hezitzaileei eta elkarteei zuzenduta dago, eta droga-mendetasunei eta ohitura osasungarrien sustapenari buruzko informazioa ematen du.
Kanpainaren eragina areagotzeko, kartelak Bizkaibuseko markesinetan eta Metro Bilbaoko geltokietan ere jarriko dituzte. Pieza bakoitzak QR kode bat du, Etorkintza Fundazioagaz elkarlanean egindako bideo interaktibo bategaz lotzen dena. Bertan, alkoholagaz lotutako arazoak detektatzeko gakoak azaldu eta horien ondorioei buruzko datu garrantzitsuak ematen dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
