Erandioko Udalak Zainduz 2025 aurkeztu du, mendekotasuna duten pertsonen zaintzaileei laguntza integrala emateko familia-inguruneko arreta-zerbitzua. Tailerren, hitzaldien eta aholkularitzaren bidez, zaintzako eta autozaintzako ezagutzak eta trebetasunak indartzea da programaren helburua.
Erandion erroldatutako zaintzaile ez-profesionalei zuzenduta dago Zainduz 2025, eta honako hauek biltzen ditu: banakako eta taldeko laguntza psikologikoa, mendeko pertsonen mobilizazioari buruzko prestakuntza, denboraren kudeaketa eta autozainketa, bai eta zahartze aktiboari eta zaintzaren erantzunkidetasunari buruzko sentsibilizazio-jardunaldiak ere.
Jarduerak Altzaga eta Astrabuduko zentroetan egingo dituzte, otsailetik ekainera eta irailetik abendura bitarteko saioakaz. Informazio gehiago gura izanez gero, jo Udaleko Gizarte Zerbitzuen bulegoetara, Altzaga (944 890 233) eta Astrabudua (944 069 919 - Ext 310), edo www.erandio.eus webgunean.