Udalak Laguntza Juridikoaren zerbitzua beste bi urtez berritu du zerbitzua, familia-zuzenbidean, gai zibiletan eta genero-indarkeriaren biktima diren emakumeei laguntza indibidualizatua ematen jarraitzeko. Ekimen honegaz, Udalak egoera ahulean dauden pertsonen eskubideak bermatu gura ditu, legezko informazioa eta laguntza espezializatua eskuratuz.
Zerbitzu hori modu egonkorrean eta astero eskainiko dute, eguenetan 11:00etatik 14:00etara, Astrabuduan eta Altzaga auzoen artean. Laguntza jaso ahal izateko, aldez aurretik hitzordua eskatu beharko da Udaleko Gizarte Zerbitzuen bitartez. Neurri horregaz, Erandioko Udalak bere herritarren babes juridikoagaz eta ongizateagaz duen konpromisoa berretsi gura du, bereziki zailtasun bereziko egoeretan.