Arartekoak informazioa eskatu zion Erandioko Udalari, eta hark onartu zuen zailtasunak zituela euskaraz artatzeko, izan ere, epai judizial baten ondorioz ezabatu egin zen zenbait hizkuntza-eskakizunen derrigortasuna polizia-plantillan. Hala ere, txostenak agerian utzi zuen eragile gehienek badutela arreta euskaraz emateko behar besteko akreditazioa, eta araudia eta protokoloak ez zirela modu eraginkorrean aplikatzen ari.
Ebazpen horretan, Arartekoak ondorioztatzen du Erandioko Udalak bermatu egin behar duela hizkuntza-eskakizunak egiaztatuta dituzten eragile guztiek arreta euskaraz eman ahal izatea, eta horretarako erabakia ez dagoela agentearen borondate indibidualaren mende. Horrez gain, hizkuntza-eskubideetan eta euskarazko arreta-protokoloetan prestakuntza indartzea gomendatzen da, bai eta herritarren arretan errespetuaren eta diskriminaziorik ezaren kultura sustatzea ere.
2024ko irailean, herritar batek salatu zuen Erandioko udaltzain batek arreta euskaraz ukatu eta jokabide hori behin baino gehiagotan errepikatu zela, baita telefonoz kexatu zenean ere. Salaketak erakusten duenez, hasiera batean, arreta eta dokumentazioa gaztelaniaz bakarrik eman ziren, eta, beraz, urratu egin ziren herritarren hizkuntza-eskubideak, euskaraz artatua izateko eskubidea baitute, hizkuntza ofiziala baita EAEN, gaztelaniagaz batera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun