Txapelketaren lehen jardunaldian, Goiherriko 23 urtez azpikoen talde mistoak brontzea eskuratu zuen. Aldiz, gizonezkoen 560 kiloko lehian finalera heltzea lortu bazuten ere, urrea Laukizko Gaztedirentzat izan zen. Bigarren jardunaldian, Goiherriko 23 urtez azpikoen neskak gogor lehiatu ziren, baina ez zuten Taipeiko (Txinako Errepublika) taldea gainditzea lortu, eta zilarragaz geratu ziren.
Horrez gainera, Euskal Selekzioak urrea ere eskuratu zuen gizonezkoen 600 kiloko lehiaketan; Suitza eta Alemaniako selekzioak bigarren eta hirugarren geratu ziren finalean. Horregaz batera, Euskal Selekzioak zilarra eskuratu zuen gizonezkoen 560 kiloko txapelketan, eta brontzea 23 urtez azpikoen 560 kiloko lehiaketa mistoan.