Gautxoriak elkarteak eta Erandioko Udalak Eurekako Domeka! ekimena berriz ere martxan jarri dute, irail osoan domekero kultur eskaintza zabala herritarren eskura jartzeko asmoz. Emanaldi guztiak 18:00etan izango dira, irailaren 28ko Erraldoi Eguna izan ezik, horrek egitarau berezia izango baitu.
Programazioa honako hau izango da; irailaren 14an Bea Egizabalen Gregoria bakarrizketa, Tartangako latsarrian; 21ean, Miren Narbaiza & dabele Sarriugarteren Kaixo karis errezitaldi musikala, Gautxoriak lokalean; irailaren 28an Erraldoien Eguna.
Programazioa itxiko duen Erraldoien Egunean Gautxoriek euren erraldoiak eta kilikiak aterako dituzte kalera. Ostean, bazkaria egingo dute eta eguna Jon Basagurenen kontzertuagaz amaituko dute, Tartangako berdegunean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!