Erabakiari baiezkoa eman zion bozketa aurreko asteko eguneko osoko bilkuran egin zuten. Horretan zehaztu zutenez, azken aldiz 2019an handitu zen Erandioko udaltzainen kopurua, eta, beraz, herritarren eta segurtasun-kidegoaren eskaerei erantzuten dion erabakia dela argudiatu zuten taldeek.
Agente berri bien kontratazioak txanden kudeaketa hobea, patruila gehiago eta herritarrengana gertutasun handiagoa ekarriko dituela ere arrazoitu zuten; izan ere, gaur egun, Erandioko komisarian 32 agente daude 24.600 bizilagunentzako, "ezarritako ratioaren azpitik", sindikatuen arabera.
Iker Iribarren PPko udal-ordezkariak, azpimarratu du ekimen hau ez dela neurri isolatua. Akordioak barne hartzen ditu bideozaintza-zentro berri bat sortzea, Babes Zibileko taldearentzako baliabide materialak hobetzea eta Udaltzaingoaren plantilla pixkanaka handitzen jarraitzea, biztanleko ratio egokia lortu arte.
Era berean, gobernu-taldeak nabarmendu du neurri hauek "auzoetan sumatzen den segurtasun eza murrizteko eta herritarrei zerbitzu hurbilagoa eskaintzeko" balioko dutela.