Astrabuduko Josu Murueta plazan Udalak egin berri dituen urbanizazio lanen ondoren, izena ia ikusezin bihurtu dutela salatu du Erandioko Oroimena taldeak. Hori dela eta, Udalari eskatu dio izendapenaren ikusgarritasuna bermatzea. Kolektiboaren ustez, oroimen hori "gutxietsi beharrean, lehentasunezko lekua hartzen du plaza honetan".
Salaketa horregaz batera, antolakundeak Josu Murueta eta Anton Fernandezen hilketaren 56. urteurrena gogoratuko duela iragarri du. Aurten, Astrabudua auzoan egingo dituzte ekintzak, oroitzapen-ekitaldia Altzaga eta horren artean txandakatzen baitute urtero. Hori dela eta, herritarrei dei egin diete urriaren 26an, domeka, 13:00etan, Josu Murueta plazan egingo den omenaldian parte hartzera. Antolatzaileek aurretik eskertu dute parte-hartzea eta ekitaldiaren berri zabaltzea.