Erandioko Tartangako ikasleek, Udalaren laguntzagaz, Beldur Gaua egingo dute, azaroaren 14an, 19:30ean, Merkatu Zaharrean. Ekimena herriko 16 eta 29 urte bitarteko gazteei eta Erandioko kuadrillei zuzenduta dago, eta aisialdi osasungarri eta alkoholik gabeko gune bat eskaintzea du helburu.
Beldurrezko beteta egongo den gau berezi horretan, mozorro-lehiaketa egingo da eta It (2017) filma proiektatuko dute, besteak beste. Antolatzaileek adierazi dutenez, Merkatu Zaharra beldurrezko giroagaz apainduko dute, eta parte-hartzaileei animatu diete filmeko pailazo ezagunaz edo pertsonaia beldurgarriren batez mozorrotzera.
Gainera, photocall bat ere egongo da, janari eta edarien txokoa, eta sarrera doakoa izango da, leku guztiak bete arte. Antolatzaileek azpimarratu dutenez "helburua da gazteek ondo pasatzeko eta aisialdi alternatibo bat izateko aukera izatea, alkohola albo batera utzita".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
