Goizeko 08:00etatik, Ertzaintzak eta Udaltzaingoak sarbideak itxi dituzte Uribe Kostako Etxebizitza Sindikatuaren protesta oztopatzeko, eta ekintzaile talde batek erresistentzia egin du hustu gura zituzten etxebizitzen atarietan. Azkenean, ertzainek atea bota behar izan dute barrura sartzeko, eta familia atera dute.
Poliziak Kukularra bidea eta Ategorribarri kalean etxegabetzeak geldiarazteko bildutako herritarren aurka oldartu da, eta hainbat lagun identifikatu dituzte.
Defentsak "babesgabetasun osoa" salatu du, Bilboko epaileak ez baititu aintzat hartu familiaren zaurgarritasuna, ezta jarritako prebarikazio-salaketa ere. Sindikatuak, bestalde, bankuaren "amarruak" kritikatu ditu, zorra artifizialki handitzeagatik familiak diru hori jaso gabe.
Badoaz portaleko sarreran daudenak kanporatzera, etxegabetzea gauzatzeko asmoz pic.twitter.com/lJJR1DbnW0
— Kontseilu Sozialista Uribe Kosta (@Kontseilua_UKo) November 21, 2025
