Zerbitzua Erandiogoikoko eraikin soziokulturalean eskainiko da; hau da, bizilagunek ez dute Astrabudura edo Altzagako udal bulegoetara joan beharrik izango ohiko administrazio-kudeaketak egiteko.
Neurria udal-gobernu taldearen agintaldi-planeko konpromisoetako bat da, helburua auzoei arreta hurbilagoa, zuzenagoa eta jarraituagoa eskaintzea izanik. udalaren arabera, auzoek arreta espezifikoa behar dute, eta horregatik, zerbitzu publikoak auzoetara hurbiltzea lehentasuntzat jo dute.
Zerbitzu honen bidez, herritarrek hainbat izapide eta administrazio-kudeaketa egin ahal izango dituzte Erandiogoikoan bertan, udalagaz lotutako tramite arruntak barne. Neurriak mugikortasuna erraztea, denbora aurreztea eta zerbitzu publikoen irisgarritasuna hobetzea du xede, batez ere adinekoen eta auzoan bizi direnen egunerokoa arintzeko.