Horretarako, liburu-etxetxoak jarriko ditu udalerritik zehar. Bi gunetan jarriko ditu, hain zuzen ere: Erandiogoikoan, udaletxe zaharraren fatxadan, eta Enekurin, hiri-autobusaren markesinan.
Sistema oso erreza da; izan ere, herritarrek liburu bat hartu eta beste bat utzi dezakete, inolako izapiderik edo kosturik gabe. Erabilitako aleak ere onartzen dira, eta helduentzako zein haurrentzako liburuak egongo dira.
Ekimenaren oinarria udal liburutegiek jarritako funtsa da, irakurketa-ohiturak sustatzeko helburuagaz. Liburuak gune batean hartu eta bestean utzi daitezke, eta aleen lagapenak egiteko aukera ere badago.
Probazko ariketa bat baino ez da. Hala ere, Udalak adierazi du harreraren arabera egitasmoa beste leku batzuetara zabaltzea aztertuko duela.