Proiektu honen bidez, Udalak turismo jasangarriaren aldeko apustua berretsi gura du, bidaiatzeko gero eta ohikoago bilakatu den moduari azpiegitura egokia eskainiz. Izan ere, autokarabanen turismoak goranzko joera izan du azken urteotan, eta horri erantzuteko beharrezkotzat jo da udalerrian aparkaleku arautu bat sortzea.
Aparkaleku berria Arteagan kokatuko da, eta autokarabana duten erabiltzaileek bertan aparkatzeko aukera izango dute, baldintza egoki eta arautuetan. Proiektu honek, halaber, ibilgailu mota horien presentzia antolatu eta egituratzeko helburua du, udalerriko beste gune batzuetan sor litezkeen arazoak saihestuz.
Horrez gain, azpiegitura berriak tokiko turismo-eskaintza indartzea eta merkataritza-jarduera dinamizatzea du xede, bisitarien joan-etorriek udalerriko ostalaritza eta saltokietan eragin positiboa izan dezaten.