Lehen saioa aste-akabu honetan izango da, zapatuan (otsailak 21). Erandioko Euskara Zerbitzuak elkarrizketa-saioa antolatu du Gaztetxokoan. Bi orduko gizarte-elkarrizketa izango da, eta bertan udalerriko hizkuntza-aniztasunaren egoera aztertzeaz gain, etorkizuneko norabidea elkarregaz irudikatzea izango da xedea.
Antolatzaileen arabera, saioak ikuspegi desberdinetako herritarrak bildu gura ditu, aurreiritziak albo batera utzita. Batetik, euskararen normalizazio-prozesuan interesa duten pertsonak gonbidatu dituzte; bestetik, gizartearen aniztasuna eta aberastasuna ordezkatzen duten herritarrak.
Gainera, behar izatekotan, umeentzako zaintza zerbitzua eskainiko da gura duenarentzat.
Parte hartu gura dutenek https://taupamugimendua.eus/auzoko-izen-ematea/ linkaren bitartez egin beharko dute.