Bederatzi ibilgailuren arteko istripu batek goiz kaotikoa eragin du Txorierrin

Ander Zarraga 2026ko martxoaren 16a
Deskargatu Info Ahotsak :
Español English Français Català Galego

Suhiltzaileak Txorierrin gaur goizean izandako istripuan lanean. © BIZKAIKO SUHILTZAILEAK

Goizeko 06:55ean, Enekuritik Txorierriko korridorerako sarbidean bederatzi ibilgailuri eragin dien istripu bat jazo da gaur goizean. Segurtasun Sailaren arabera, hiru pertsona arin zauritu dira talkaren ondorioz, eta Ertzaintzak hiru errei itxi behar izan ditu Galdakaoko noranzkoan, horrek auto-ilarak eta errepidearen kolapsoa eragin du.

Istripuaren ondorioz, pilaketak Txorierritik harago hedatu dira, Avanzada eta A-8 errepideei modu nabarmenean eraginez. Leioan, Avanzadako tunela itxi egin behar izan dute Barakaldoko noranzkoan ibilgailu gehiago ez metatzeko, eta Erandio Bilbogaz lotzen duen itsasadarreko errepidean ere karabana luzeak egon dira goizeko lehen ordutik. Kolapsoak goiz osoan zehar iraun duen arren, larrialdi zerbitzuek ibilgailuak baztertu eta errepidea garbitu ondoren, zirkulazioa bere onera itzuli da daborduko.

Jendartea Erandio
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun