Bizkaiko bizikleta-sarea hazten doa apurka-apurka, eta azken hilabeteetan ezarritako 12 geltoki berrien artean, Erandiok lau geltoki berri izango ditu; horietatik hiru martxan daude jada, eta laugarrena laster jarriko dute.
Hain zuzen ere, geltoki berriak Ramon Rubial kalean, Altzagako kiroldegiaren ondoan; Meso kalean, Astrabuduan, hirugarren adinekoen egoitzaren alboan; eta Itsasadarreko errepidean, Gestamp lantegiaren ondoan jarri dituzte. Horiez gain, Trueba kalean beste geltoki bat jartzea aurreikusi dute datozen asteetan.
Hedapen honegaz, Bizkaibizik bizikletaren erabilera eta mugikortasun jasangarria indartu gura ditu Erandion ere, herritarren eguneroko joan-etorrietarako alternatiba gehiago eskainiz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!