Aspaldiko ohiturari jarraituz, aurten, Asuko eskola zaharrak euskal kulturaren eta euskaltzaleen topagune bihurtuko ditu Kanpomartxok. Domekan, Berbots elkarteak adin guztientzako egitaraua prestatu du, goizetik iluntzera arte luzatuko den ekintzakaz.
Kanpomartxoko giroan, HIRUKA ere bertan izango da. Stand bat jarriko dugu eskualdeko euskaltzaleekin zuzenean elkartzeko. Bertan, HIRUKAlagun egiteko aukera izango duzue, 25 euroren truke. Gainera, standetik pasatzen diren Hirukalagun berrien eta egungoen artean Errigora kutxa eder bat zozkatuko dugu. Ez galdu aukera eta hurbildu gure postura!
Egitaraua:
- 11:00 Trikitilariak eta panderojoleak. Erandioko Musika Eskola, Talaurden taldea.
- 12:00 Dantzariak: Goi-Alde, Trabudu, Uztargi.
- 13:00 Mendibaiarte abesbatza
- 13:30. Bertsolariak: Inazio Vidal, Alaia Martin.
- 15:00 Herri bazkaria.
- 16:00 Umeentzako erromeria: Arima diskofesta
- 16:30 Kantagunea
- 18:00 Erromeria: Luhartz.