Hitzaldian Erandioko airearen kalitateari buruzko datu zientifikoak aurkeztuko dituzte, baita kutsadurak osasunean izan ditzakeen ondorioak eta instituzioen aurrean egin beharreko bitartekaritza edo eskaerak ere. Antolatzaileen arabera, herritarren kezkei erantzuteko eta informazio kontrastatua eskaintzeko helburua izango du ekimenak.
Ekitaldia hainbat elkarte eta talde ekologistek antolatu dute, tartean Herri Bideak Kate Barik Elkartea, Auzokoa Herriko Elkartea, Ekologistak Martxan Bizkaia eta Sagarrak Ekologista Taldea. Erandioko E!-k laguntzaile moduan parte hartuko du.
Herritar guztiak gonbidatuta daude hitzaldira gerturatzera eta ingurumenaren nahiz osasunaren inguruko kezken inguruan informazioa zuzenean jasotzera.