Gorpua gaur arrastian aurkitu dute itsasadarrean, Barakaldo eta Erandio arteko parean, etorkizunean All Iron zubia egingo den inguruan. Aurkikuntza egin bezain laster 15:00ak aldera, Ertzaintzari abisua eman diote, Eusko Jaurlaritzako Segurtasun Sailak jakinarazi duenez.
Ertzaintzako hainbat patruila bertaratu dira tokira, eta deia jaso eta ordubete eta erdi geroago ere bertan jarraitzen zuten lanean, gorpuaren erreskateagaz eta gertatutakoa argitzeko lehen ikerketakaz.
Behin gorpua uretatik aterata, Auzitegi Medikuntzako Institutu Anatomiko Forentsera eramango dute. Han egingo diote autopsia, heriotzaren arrazoiak zehaztu ahal izateko.
Ertzaintzak ikerketa irekita dauka gertatutakoa argitzeko, eta oraingoz ez dute bestelako xehetasun ofizialik eman.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!