Obrek iraun duten bitartean, trenek abiadura murriztu behar izan dute Lutxana eta Erandio arteko tartean. Horrek 90 segundo inguruko atzerapenak eragin ditu bidaietan. Lanak amaituta, ordea, abiadura-muga hori kenduko dute eta bi noranzkoetan ohiko bidaia-denborak berreskuratuko dira.
Bidaia erosoagoak eta zarata gutxiago
Trenbidea berritzea Metro Bilbaok egiten dituen ohiko mantentze-lanen parte da. Kasu honetan, etengabeko erabileraren ondorioz higatutako elementuak ordezkatu dituzte, zerbitzuaren funtzionamendua eta jarraitutasuna bermatzeko.
Bide berriak erabiltzaileen bidaietan ere eragina izango du: bibrazioak eta mugimendu zakarrak murriztuko ditu eta, ondorioz, metroan bidaiatzea erosoagoa izango da. Era berean, mantentze-lanen eta larrialdiko konponketen kostuak gutxitzea eta trenen joan-etorriek sortzen duten zarata apaltzea espero dute.