Azpiegitura metro eta tren sarearen etorkizuneko zabalkundeari erantzuteko eraikiko dute, batez ere 3., 4. eta 5. lineetako tren-unitateei zerbitzua emateko. Hasierako proiektuak 20 tren-unitate inguru gordetzeko diseinua zuen; egungo planteamenduak, berriz, edukiera 30 tren-unitate ingurura handitzea aurreikusten du.
Proiektua Bilboko metro-sarearen hedapenagaz lotuta dago, bereziki 4. linearen garapenagaz eta datozen urteetan tren-parkea handitzeko aurre. Horri esker, Erandioko instalazioa Bizkaiko tren-kotxetegirik handiena izatea aurreikusten da, 30 tren-unitate inguruko edukieragaz.
2022ko oinarrizko proiektuak 25,83 milioi euroko aurrekontua zuen, BEZa barne. Orain, Euskal Trenbide Sareak –ETS– proiektua handitzeko eguneraketa esleitu berri du; eta instalazio berriak 40 milioi euro inguruko inbertsioa izan dezake, 3., 4. eta 5. lineetako trenak hartzeko helburuagaz.
Azaldu dutenez, azpiegitura ez da trenak gordetzeko kotxetegi hutsa izango. Besteak beste, trenak garbitzeko instalazioak, ikuskapen-hobia, mantentze-eremua, biltegiak eta langileentzako zerbitzuak aurreikusten dituzte.
Egungo aurreikuspenen arabera, obrak 2027tik aurrera hasiko lirateke, eta instalazioa 2029an martxan jartzea da helburua.