Jaialdiaren helburua zuzeneko musika eta rockaren eszena sustatzea izango da, tokiko eta inguruko taldeei jotzeko espazioa eskainiz. Hori dela eta, zortzi talde iragarri dituzte, horien artean, inguruan ezaguna den Romoko Bandazo taldea.
Kontzertuez gain, aurreko edizioetan bezala, zapatuan, bi jarduera egingo dituzte: 13:00etan, bateria-jotzaileen topaketa, eta 15:00etan, herri-alubiada. Horrela, aurten ere, jaialdiak musika-programazioa eta herri-giroa uztartzearen aldeko apustuari eutsiko dio.
Egitaraua:
Azaroak 6, barikua
- 18:00 Vaultage.
- 19:30 Turbofuckers.
- 21:30 Putakaska.
- 23:30 Negra Calavera.
Azaroak 7, zapatua
- 18:00 Bandazo.
- 19:30 Kagando Melodias.
- 21:30 Deklibe.
- 23:30 MCD / Monjas Carmelitas Descalzas.