Erandioko Zirgariak etorbideko edukiontziak behin betiko lekuz aldatuko dituzte

Laura Fontalba Colomo

Azaroaren 17tik aurrera, Itsasadarreko oinezkoentzako eta bizikletentzako ardatzaren urbanizazio-lanen ondorioz, Erandioko Udalak Zirgariak etorbidean dauden hondakin-edukiontziak behin betiko lekuz aldatuko dituela adierazi du.

Itsasadarreko ardatzaren proiektua dela eta, kale horretan dauden edukiontziak, San Inazio kaleko 2. zenbakian, Obieta kaleko 2. zenbakian eta Antonio Trueba kaleko 1. zenbakian kokatuko dituzte. Izan ere, proiektuak hainbat aldaketa ekarriko dizkio Erandiori. 

Proiektuak, oinezkoentzako eta bizikletentzako ibilbide berria egiteko asmoz, BI-711 errepidearen plataforma guztiz berrantolatzea aurreikusten du. Ez dio bidegorriari bakarrik eragingo: semaforoak, zerbitzu-sareak, espaloiak eta kaleko bestelako elementuak ere lekuz aldatzea edo berrantolatzea aurreikusten du. Edukiontzien lekualdaketa, beraz, urbanizazio osoaren berrantolaketaren barruan kokatuko dute. 

Azaroaren 1etik 5era gauez BI-711 errepidearen zati bat moztu zuten, eta Bizkaibuseko Ribera Erandio, José Luis Goioaga, Altzaga-Pasaia eta Axpeko Dartsena geralekuak kendu zituzten aldi baterako. Beraz, trafikoan eta garraio publikoan ere egon daitekeen eraginak ere kontuan hartu beharko lirateke. 

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun