
Ondoezari eusteko sareak izeneko jardunaldia barikuan egingo dute Erandioko Merkatu Zaharrean, 09:00etatik 14:15era. Aidatuko Cristina Blancok jakinarazi duenez, orain arte, 230 pertsona baino gehiago izena eman dute, eta edukiera bete da; beraz, izen-ematea itxita dago, baina jardunaldiaren grabazioa Aidaturen YouTube kanalean jarriko dute datorren astean.
Jardunaldia Erandioko Udalak eta Aidatuk 2026-2027rako duten lankidetza-hitzarmenaren barruan kokatzen da. Ildo horretan, Udalak, Suizidioaren Prebentziorako Nazioarteko Egunaren harira, herritarrentzako gida bat ere argitaratu zuen, alerta-seinaleak, laguntzeko moduak eta laguntza-baliabideak jasotzen dituena. Orain, jardunaldiagaz gaur egungo gizartean sortzen diren ondoezak aztertuko dituzte, eta sufrimendu horiei aurre egiteko babes-sare eta baliabide kolektiboek izan dezaketen eginkizuna landuko dute.
Egitaraua:
Azaroak, 20
- 10:15-11:15 Rompiendo con la individualización del malestar hitzaldia, Kike Esnaola, psikologo eta hezkuntza-orientatzailea.
- 11:45-12:45 Acompañar desde un cambio en la mirada: escuchar y validar hitzaldia, Inmaculada Aragon, psikologoa.
- 12:45-13:45 Malestares percibidos y acciones para sostener y recuperarse mahai-ingurua. Nerea Perez-Uria larrialdietako psikologoak, Monica Dieguez gerontologiaren arloko psikologoak eta Xabier Ceballos La Salleko BATeko zuzendari eta kideak parte hartuko dute. Cristina Blanco Aidatuko presidenteak moderatuko du.
- 13:45 Lova Lois poeta eta artistaren kultura-emanaldia.
- 14:00 Jardunaldiaren amaiera, Iñaki Elorzako eskutik.