“Elkar harremanerako gunea izateaz gain, trebetasunak eta gaitasunak landu nahi ditugu zurrumurruen kontrako gure eginkizunean lagun diezaguten, baita gure ingurune pertsonal eta profesionaletan ere”, azaldu du Elena Coriak, Immigrazioko Unitateko zinegotziak.
Programa gaikako sei mintegik, bi eztabaida-mahaik eta bi tailer praktikok osatuko dute. Zapatuan, Komunikazio eraginkorra, Ekintzen antolaketa eta "Sare Sozialak eta informazioaren eta komunikazioaren teknologiak" izeneko mintegiak izango dira, 11:00etatik aurrera; bestalde, 16:00etan Bozeramaileak, Entzuleen dinamizazioa eta "Ez irentsi gezurrik! edo arima kritikoa landu" ahal izango dira. 19:30ean eztabaida mahaiak egingo dituzte: "Zurrumurruen aurkako borroka eta hedabideak", eta "Zurrumurrurik ez estrategia eta gatazka pertsonalak", hain zuzen ere. Domekan, berriz, 11:00etatik aurrera, hurrengo bi tailer praktiko izango dira: "Zurrumurruen kontrako baloreak nire inguruan gehitu", eta "Zurrumurrurik ez esperientzia". Tailerretan parte hartu nahi duenak urtarrilaren 25era arte izango du epea izena emateko udal webgunean bete beharreko galdetegiaren bitartez