“Jolastokia beteta egon zen, batez ere Gabon-gau egunean eta Eguberri egunean, eta ia auto bakar bat gehiago ere ez zen kabitzen. Egoerak hala eskatzen duenean, berriro antzeko neurriak hartzeko aukera aztertuko dugu", azaldu du Josu Loroñok, Udaleko Komunikazio zinegotziak.
Egunero 165 auto inguruk erabili zuten Romo herri ikastetxeko jolastokian 2014ko abenduaren 24an, 25ean eta 31n eta 2015eko urtarrilaren 1ean jarritako aparkalekua. Garai horretan auzoan aparkatzeko izan ohi diren arazoak eta Romoko Auzo Elkarteak egindako eskaera aintzat hartuta, abiarazi zuen Udalak behin-behineko ekimen hori.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun