Gazteei zuzendutako lan-eskubideen gida Algortan aurkezteko hitzordu bi jarri dituzte Uribe Kostako Ernaik eta eskualdeko LAB-ek. Lehenengo aurkezpena gaur, martitzena, Fadura Lanbide Heziketa zentroan izango da, 11:00etan, patioan. Bigarrena, berriz, otsailaren 5ean, eguena, 19:00etan Abian kultur elkartean.
Ernai gazte antolakundearen eta LAB sindikatuaren arteko lankidetzaren emaitza da aipatu lana; eta horretan, gazteek lan munduan dituzten eskubideak jaso dituzte.
Gazteontzako Lan Eskubideen Gida kaleratu berrian, lan merkatura sartu aurretik eman beharreko pausoetatik hasita lan-kontratua amaitzen den artekoak azaltzen dira, baita kontratu mota desberdinak eta hitzarmen kolektiboak ere.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!