Getxoko Gure Esku Dago taldeak 2015erako ekintzak jakinarazteko aurkezpena egingo du otsailaren 18an, eguaztenaz, Algortako Fadura kiroldegian. Hitzordua 20:00etan jarri dute. Antolatzaileek jakinarazi dutenez, udalerriko pertsona ezagun askok parte hartuko dute “Erabakia #ehuntzen” dinamikaren aurkezpen horretan.
Joan den ekainaren 8an Getxoko erabakitzeko eskubidearen aldeko taldeak 2.500 auzokide mugiarazi zituen Gure Esku Dago dinamikak antolatutako Durango eta Iruñea arteko giza katean parte hartzeko. Aurten, berriz, beste erronka “polit” bat aurkeztuko dutela aurreratu dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!