Ertzaintzak 32 urteko emakumezko bat atxilotu zuen atzo arratsaldean Getxon, zaintzen zuen pertsonari bitxiak lapurtzea egotzita, Eusko Jaurlaritzako Segurtasun Sailak jakinarazi duenez. Urre-salerosketako dendak kontrolatzen ari ziren ertzainek irregulartasunak antzeman zituzten Getxoko bi saltokitan saldutako bitxi batzuen inguruan. Horien jatorria ikertu ostean, poliziek bitxien jabearen senideakaz harremanetan jarri ziren.
Ertzaintzak azaldu duenez, bitxiok saldu zituena jabearen etxean zaintzaile gisa lanean ari den emakumea da. Gainera, Getxoko bi saltokitan gutxienez 5 salmenta egin dituela jakin ahal izan dute.
Ustezko lapurra atzo arratsaldean atxilo eraman zuten ertzain-etxera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!