Garbitzaileen greba Getxon

Getxoko garbitzaileek astebeteko epea eman diote enpresari negoziatzeko

Getxoko garbitzaileek astebete eman diote Cespari lan-hitzarmenaren inguruan eztabaidatzeko eta langileek salatutako arazoak konpontzeko. Hori bete ezean, greba egingo dutela ohartarazi dute.

Udalerriko Herri Zerbitzuetako ABEE-ko langileen soldatak 2012tik daude izoztuta; gainera, erretiroengatik langile kopurua murriztu egin dela eta lan karga areagotu egin dela salatu dute. Izan ere, azaldu dutenez, lehen baino zerbitzu gehiago hartzen ditu esleipen berriak, eta horrek langileen lan-karga handitzea, soldatak murriztea eta lanaldi partzialeko langileei lanorduak kentzea ekarri du.

Patronala hurrengo astean bilduko da eurekaz, sindikatuek baieztatu dutenez; hala ere, ez dute datarik zehaztu.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun