Atxiloketa arratsaldeko 7ak aldera jazo zen, udaltzainak Andra Mari auzoan gertatutako bi kotxeren arteko istripua argitzera joan zirenean. Inplikatutako bi gidariei alkoholaren proba egin ostean, horietako batek 0,88 miligramo litroko maila eman zuen, baimendutakoaren laukoitza. Hori dela eta, segurtasunaren aurkako delitu batengatik atxilotu zuten. Bigarren gidariak ere baimendutako alkohol-maila gainditu zuen, 0,58 miligramo litroko emaitzagaz, baimendutakoaren bikoitza baino gehiago. Bada, salaketa administratiboa jarri zioten.
Istripuan ez zen zauriturik egon, baina suhiltzaileen lana beharrezkoa izan zen bidea garbitzeko; izan ere, ibilgailuek isuritako likidoek ibilgaitz utzi zuten errepidea.