Neska-mutil txikien sexualitatea ulertzen saiatzeko hitzaldia egingo du Sendi proiektuak guraso eta hezitzaileentzat. Agurtzane Ormatza Imatz sexologoarekin, jardunaldira bertaratzen direnek umeen sexualitatea zelan eraikitzen den ulertu ahal izango dute. Hitzaldia Algortako Izaro kaleko Zubileta ikastetxean izango da, martxoaren 10ean, martitzenean, 17:30etik 19:30era; musutruk. Hala ere, antolatzaileek jakinarazi dutenez, interesatuek aldez aurretik eman beharko dute izena sendigetxo@yahoo.com helbide elektronikoan.
Nola eraikitzen da ume txikien sexualitatea? Zelan bideratzen dute plazera? Galdera horien inguruan berba egingo du Agurtzane Ormatza sexologoak, martxoaren 10ean.
Halaber, neska-mutil txikiek sexu-identitatea nola eraikitzen duten ere azalduko du. Horrez gainera, umeei zelan lagundu eta umearen sexualitatea garatzen errazteko gurasoek eta hezitzaileek zer egin dezaketen izango du berbabide Agurtzane Ormatzak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!