Denbora tarte horretan, poliziek alkohol-intoxikazioagatik 8 adingabe artatu zituzten. Horietatik bi Gurutzeta ospitalera eraman behar izan zituzten, udaltzainek ezin izan zutelako gurasoakaz harremanetan jarri. Halaber, Bidezabalen sustantzia estupefazienteak kontsumitzen ari ziren eta laban bat zeukaten bi adingabe gelditu zituzten, polizia iturriek jakinarazi dutenez. Gurasoei deitu ondoren, desobedientziagatik delitu bana egotzi eta marihuana eta arma zuria edukitzeagatik salaketa administratibo bana jarri zieten.
Gauerdiko 00:30ak aldera, Udaltzaingoak eta Ertzaintzak Tamarindoko eta inguruetako arkupeetatik mila nerabe baino gehiago joanarazi zituzten. Horrez gainera, Udaltzaingoak bi pertsona atxilotu zituen eraso bana egiteagatik, Bidezabalen eta Mariandresenan, hurrenez hurren. Halaber, hiru pertsona salatu zituzten kalean txiza egiteagatik, eta beste bat erietxe batera eraman zuten alkoholaren eraginez konorterik gabe aurkitu ondoren.
Algortako bi taberna salatu zituzten ixteko ordutegia ez betetzeagatik.
_tokikom_735x413.jpg)
