Datuak online partekatzeko akordioa sinatu dute Getxoko Udalak eta Eusko Jaurlaritzak

Eusko Jaurlaritzak eta Getxoko Udalak lankidetza-hitzarmena sinatu dute, informazio, administrazio eta kudeaketa elektronikoko zerbitzuak elkarri eskaintzeko. Hitzarmen horren bidez, Eusko Jaurlaritzak eta Getxoko Udalak beste urrats bat eman dute Herritarrak Zerbitzu Publikoetara Sarbide Elektronikoa izateari buruzko 11/2007 Legea betetzeko. Horren arabera, administrazio publiko guztiek eurakaz harremanetan jartzeko bide elektronikoak erabili ahal izatea bermatu eta beren artean informazioa trukatu behar dute, herritarrek izapide administratiboak errazago egin ditzaten, hain zuzen ere. Lankidetza-hitzarmenak lau urteko iraunaldia du. Urtez urte luza daiteke modu automatikoan, gehienez ere hamabost urtez.