Joaneko norgehiagokan, Vigon, Getxo Artea taldekoek galdu zuten 42-22ko emaitza lortuz, eta hori hobetzen saiatuko dira domekako partidan. Irabaziz gero, getxoztarrek lau puntu lortuko lituzkete. Puntu horiek oso baliagarriak izango lirateke beheko postuetatik aldentzeko. Getxo Rugby Taldeak zabaldu duenez, "talde bientzat oso partidu garrantzitsua da, beraz oso interesgarria izan daiteke. Faduran behar zaitugu igandean! Zatoz animatzera!".
Getxo Rugby Artearen gizonezkoen lehen taldeak Vigoko Unibertsitateko Blusens taldearen bisita jasoko du Faduran domeka honetan, 12:00etan. Partida hori garrantzi handikoa da talde bientzat. Blusens eta Getxo Artea aurkari zuzenak dira Ohorezko Mailari eusteko. Nahiz eta soilik hiru partida irabazi, galiziarrek hamar bonus puntu lortu dituzte eta hamargarren lekua dute klasifikazio orokorrean 24 puntu metatuta. Getxoztarrak hamaikagarrenak dira, 20 puntuakaz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun