Emakumeen parekidetasuna aldarrikatzeko jarduerak, ordea, ez dira amaitu, eta gaur bertan, hezkidetzari buruzko mahai-ingurua egingo dute Algortako Villamonte kultur etxean, 18:30ean. Horretan, Eusko Jaurlaritzak hezkidetza sustatzeko martxan jarritako proiektuan parte hartzen ari diren San Nikolas, Gobela eta Geroa ikastoletako zein Lasarte-Usurbil DBH ikastetxeko ordezkariek parte hartuko dute.
Emakume Langileen Nazioarteko Eguna aldarrikatu zuten atzo goizean Algortan. Bertan, 120 bat pertsonak parte hartu zuten Mujeres con Voz, Algortako Bilgune Feminista, Ernai eta Haziak taldeek, Getxoko Udalaren laguntzagaz, antolatutako ekintzan eta ondorengo manifestazioan. “Aliantzetatik Iraultzara. El cambio sera feminista o no sera” lemapean, manifestazioa Algortako hainbat kaletatik ibili zen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun