2013. urtean Urduñan ospatutako Gazte Danbada jaialdian Xabier Lopez Peña "Thierry" euskal preso politiko hilberria gogoan izateagatik eta Frantziako eta Espainiako espetxe politika salatzeagatik terrorismoa goratzea leporatzen diete auziperatuei. Fiskaltzak eta AVTren akusazio partikularrak urte eta erdiko espetxe zigorra eskatu dute Morenorentzat, Solabarriarentzat eta Salegirentzat, eta bi urtekoa Ernaiko beste sei kideentzat.
Urduñan 2013an egin zen Gazte Danbada jaialdiaren harira, maiatzaren 28an eta 29an epaituko dute Mikel Moreno algortarra, Espainiako Auzitegi Nazionalean. Beragaz batera, Periko Solabarria ezker abertzaleko militante historikoa, Iraitz Salegi Topatu.info-ko kazetaria eta Ernaiko gazte erakundeko beste sei kide epaituko dituzte. Gazte mugimenduko kide horiek honako hauek dira: Irati Sienra, Gotzon Elizburu, Maialen Etxebarria, Mikel Button, Aitor Anda eta Garazi Mugertza. Terrorismoari gorazarre egitea egotzita, 18 eta 24 hilabete arteko espetxe zigor bana eskatu dute Fiskaltzak eta akusazio partikularrak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun