Lehenengoz, bozetoak aurkezteko epea zabalduko da. Epe hori itxi ostean, lanak baloratu egingo dituzte eta sei aukeratuko dira, bakoitza bere edukiontzian gauzatzeko. Margotze-lanak maiatzaren 23an edo 30ean egin beharko dira, eguraldiak horretarako aukera ematen badu. Ostean hautatuko dituzte irabazleak.
Apirilaren 24ra arte egongo da hondakinen edukiontziak apaintzeko BirziklaTUarte lehiaketan izena emateko aukera. Sariketan 16 urtetik gorako getxoztarrek parte hartu ahal izango dute, bakarka edo taldeka; hiru lagunek osatutako taldeetan. Lehenengo saria 900 eurokoa da, eta bigarrena, 200 eurokoa. BirziklaTUarte egitasmoa bigarren suertatu zen Getxoko Udalak antolatutako Wanted sariketan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun