Garbitzaileen greba Getxon

Arratoi handien aurrean Udaltzaingoaren pasibokeriaz kexu dira Itzubaltzetan

Arratoiak ageri ziren eremua. KOSKA

Getxoko zabor bilketaren beharginen eta garbitzaileen grebak laugarren eguna bete zuen atzo. Orain arte ikusibako gonbidatuak izan zituen Itzubaltzeta / Romok. Bertako auzokideek HIRUKAri adierazi diotenez, iluntzeko 7:00ak aldera "urtxakur bezain handiak" ziren arratoi bik hartu zuten Kresaltxu eta Ibaiondo arteko kantoia, zabor edukiontzietatik kanpo zeuden poltsetatik elikatzeko.

Arratoiek hortik pasa gura zuten oinezkoen aurrean kikiltzen ez zirela, auzokide batek, urte gutxiko alabagaz zihoana, Udaltzaingora deitu zuen arratoiez ardura zitzaten, baina salatu duenez, "ez zidaten inolako kasurik egin". "Ezertxo ere ez zutela egingo gelditu zitzaidan argi", dio Udaltzaingora deitu zuen gizonak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun